السلام عليكم ورحمة الله وبركاته
كل منا يحلم في يقظته,,, !!!!!
شاعر كتب قصيدة وارسلها لأبن عمه طميش
ياطميـش مــاودّك نـحـرّر فلسطـيـن
ونثيـر فــي قـلـب اليـهـود الجـزاعـه
نسطي عليهم مع قـروم ٍ شياهيـن
وندّبـهـم دبّــة سـنـه بـنـص سـاعـه
ونــجــز روس ملـفـقّـيـن الـعـنـاويـن
الأرض صــارت فــي يديـهـم بضـاعـه
ونوجّـه الحملـة علـى ســور برلـيـن
ونطـبّـق أنــواع الـقـتـل والبـشـاعـه
ونحتّـل رومــا وانتـعـدى المحيطـيـن
ونعـيّـش الـغـرب بـعــذاب ومـجـاعـه
وإن كان فينا نفس حيّـه ونشيطيـن
وفينا على ماقيـل بعـض الشجاعـة
نأخذ لنا صوله علـى الهنـد والصيـن
ونهـدم لـهـم ســور ٍ كبـيـر ارتفـاعـه
وأحـكـم أنــا وأقــوم أحــط القوانـيـن
ماغيـر تسمـع قـول سمـع ٍ وطـاعـة
أعـــدم مـلايـيـن وأعــتــق مـلايـيــن
وأنــــوّخ الـكـوكــب بــفــن وبــراعــه
الفيلـم خـلّـص وانتـهـنّ المضامـيـن
نــار ٍ طـفـت يـافـلان قـبـل انـدلاعــه
حنّـا عـرب مافيـه شــك ٍ مساكـيـن
نصنـع شـمـوخ ٍ بالسـوالـف صنـاعـه
فينـا الولـد لاقـال يحـكـم سلاطـيـن
لسانـه أطـول لاحـكـى مــن ذراعــه
تبي الصراحة عاد .. مامن فلسطين
خلـنـي أقـيّـل يـاولـد نــص سـاعــه
موضوع: يا طميش 
الأربعاء يناير 30, 2008 6:47 am
....
